Proverbes

15 Roun répons ki dous ka fè kòlè-a tonbé, mé roun paròl ki rèd ka fè kolè-a monté. 3 Wéy Jéova-ya toupatou : i ka gadé ni sa-ya ki mové ni sa-ya ki bon. 5 Moun-an ki sòt pa gen pyès rèspè pou disiplin so papa, mé moun-an ki entélijan ka asèpté yé korijé l’. 8 Jéova rayi sakrifis moun ki méchan ka fè, mé i ka pran plézi kouté lapriyè moun ki drèt. 9 Jéova rayi fason méchan-yan ka aji ; parkont, i kontan sa-la ki ka chaché fè sa ki jis. 15 Pa gen pyès jou ki bon pou roun moun ki gen lapenn, mé lò tchò roun moun kontan, chak jou a roun lafèt. 17 Manjé légim, koté i gen lanmou, miyò pasé manjé roun béf byen gra, koté moun rayi moun. 18 Roun moun ki ka kòlè vit ka lévé blo ké moun, mé sa-la ki pa ka kouri faché ka étenn difé-a. 22 Lò nou pa ka doumandé konsèy nou pa ka rivé fè sa nou prévwè fè, mé lò i gen roun patché moun ki ka bay nou konsèy, nou ka rivé. 23 Roun moun kontan lò i ka bay roun bon répons ; lò roun moun ka di roun bon paròl o bon moman, a pa ti chwit sa chwit ! 28 Tchò roun moun ki jis ka pran tan byen réfléchi anvan i réponn, mé bouch méchan-yan ka di mové bagaj. 29 Jéova ka rété lwen di méchan-yan, mé i ka tandé lapriyè sa-ya ki jis. 30 Lò wéy roun moun ka kléré, sa ka fè tchò ròt-ya kontan ; roun bon nouvèl ka bay moun fòrs. 31 Sa-la ki ka kouté konsèy-a ki ka bay lavi, i gen so plas anmitan moun ki gen sajès.