Isaïe

6 Lannen rwa Ozyas mouri, mo wè Jéova ki té asiz asou roun tronn ki té byen rot, é so lenj té long é i té ka plen Tanp-a. 3 É yé té ka palé pou yé konpanyen, yé té ka di : « Jéova chèf larmé-ya sen, sen, sen. Tout latè-a plen ké so laglwar. » 8 Apré sa mo tandé vwa Jéova-a ki té ka doumandé : « Kimoun mo ké voyé é kimoun ki ké alé pou nou ? » Mo réponn : « Men mo ! Voyé mo ! » 9 Atò i di : « Alé di sa pèp-a : “A pa dé fwa zòt ké tandé, mé zòt pa ké konprann ; a pa dé fwa zòt ké wè, mé zòt pa ké anprann anyen.” 10 A pou to fè tchò sa pèp-a vin rèd, fronmen yé zorè épi fronmen yé wéy, pou yé pa wè ké yé wéy é pou yé pa tandé ké yé zorè, pou yé tchò pa konprann anyen, pou yé pa viré òbò mo é pou yé pa géri. »