Ézéchiel
1 Annan 30è lannen-an, 5è jou 4è mwa-a, lò mo té ka viv anmitan sa-ya ki té prizonyé bò d’ larivyè Kébar, syèl-a louvri é Bondjé koumansé bay mo vizyon. 14 É lò kréyatir vivan-yan té ka alé vini, yé té ka alé vit kou zéklè. 16 Rou-ya té ka kléré kou krizolit ; yé toulékat té fèt menm fason-an. Fason yé té fèt, a té kousidiré roun rou té annan rounòt rou. 17 Lò yé té ka vansé, yé té pouvé alé annan nenpòrt kat dirèksyon-yan san yé pa té bézwen tounen. 20 Yé té ka alé koté lèspri té ka pousé yé alé, tout koté lèspri té ka alé. Rou-ya té ka lévé ké yé, paské lèspri ki té ka aji asou kréyatir vivan-yan té annan rou-ya osi. 26 Laro sa ki té laro yé tèt, i té gen roun bagaj ki té ka sanblé roun pyèr safir é ki té ka sanblé roun tronn. Laro laro, sa-la ki té asiz asou tronn-an té ka sanblé roun moun. 27 Dipi sa ki té ka sanblé so ren jik laro, mo wè roun bagaj ki té ka kléré kou élèktrom é ki té ka sanblé roun gro difé ; é dipi so ren jik anba mo wè roun bagaj ki té ka sanblé ké difé. Tout so lantou, i té gen roun gro limyèr ka kléré 28 ki té kou roun arkansyèl annan roun niyaj roun jou i gen lapli. Men sa gro limyèr-a ki té a so lantou té ka sanblé. I té ka sanblé glwar Jéova gen. Lò mo wè l’, mo tonbé atè, mo tèt kroubé. Épi a la mo koumansé tandé vwa roun moun ki té ka palé.