1 Rois

15 Atò, madanm-an rantré a so kaz épi i fè sa Éli té di li fè. Madanm-an, so fanmi ké Éli osi, trapé manjé pannan roun bon moman. 16 Farin-an ki té annan gran danmjann-an pa jen fin, é dilwil-a ki té annan ti danmjann-an pa jen fin non plis, sa fèt kou Jéova té promèt madanm-an grasa Éli. 22 Jéova kouté sa Éli té doumandé l’ : timoun-an roukoumansé viv, i té vivan. 23 Éli pran timoun-an, i soti di chanm-an, i désann ké li épi i bay manman-an so timoun, é i di li : « Gadé, to pitit vivan. » 24 Alòr, madanm-an di Éli : « Aprézan, mo sir ki to sa vréman roun mouché ki ka maché ké Bondjé é ki sa to ka di annan non Jéova vré. »