Ecclésiaste

3 I gen roun tan pou tout bagaj, roun tan pou tout bagaj ka fèt anba syèl-a : 2 roun tan pou fèt ké roun tan pou mouri, roun tan pou planté ké roun tan pou tiré sa yé planté, 3 roun tan pou tchwé ké roun tan pou géri, roun tan pou krazé ké roun tan pou konstrwi, 4 roun tan pou pléré ké roun tan pou ari, roun tan pou rélé paské to gen lapenn ké roun tan pou dansé, 5 roun tan pou jité ròch ké roun tan pou ranmasé ròch, roun tan pou kroké ké roun tan pou pa kroké, 6 roun tan pou chaché ké roun tan pou asèpté bagaj-a pédi, roun tan pou gardé ké roun tan pou jité, 7 roun tan pou déchiré ké roun tan pou koud, roun tan pou pa di anyen ké roun tan pou palé, 8 roun tan pou kontan ké roun tan pou rayi, roun tan pou fè lagèr ké roun tan pou lapè. 10 Mo wè Bondjé bay pitit wonm-yan travay pou yé rété okipé. 11 I fè tout bagaj bèl o bon moman. I menm mété anvi viv pou tout-tan annan tchò moun ; pourtan yé pa ké janmen rivé konnèt sa vré Bondjé-a fè dipi koumansman-an jiska lafen. 13 mé osi ki tout moun manjé, bwè ké pran plézi annan travay rèd yé ka fè. A sa ki kado Bondjé. 20 Yé tout k’alé menm koté-a. Yé tout ka vin di lapousyè é yé tout ka viré lapousyè.