Romains

9 Pas Bondjé, sa-la mo ka bay roun sèrvis sakré ké tout mo tchò lò mo ka préché bon nouvèl-a asou so Pitit, ka byen wè ki mo pa ka las priyè pou zòt. 10 Mo ka doumandé l’ fè mo rivé vini koté zòt si sa posib é si Bondjé lé. 11 Paské a pa ti anvi mo anvi wè zòt pou bay zòt roun kado èspirityèl, pou zòt pran fòrs, 12 ouben pito pou nou ankourajé nou konpanyen ké nou lafwa, zòt lafwa kou mo lafwa osi. 14 Mo ka dévé grèk-ya mé osi étranjé-ya, sa-ya ki saj mé osi sa-ya ki pa konnèt anyen. 15 Donk, a pa ti présé mo présé fè zòt menm osi konnèt bon nouvèl-a, zòt ki ka rété Ròm. 16 Paské bon nouvèl-a pa ka fè mo ronté ; wi, a ké sa bon nouvèl-a ki pwisan Bondjé ka sové tout sa-ya ki gen lafwa, Jwif-ya anvan épi Grèk-ya osi. 18 Paské a dipi laro syèl-a Bondjé ka montré so kòlè kont tousa ki ka dérèspèkté l’, é kont tout enjistis wonm-yan ki ka toufé lavérité-a roun fason ki pa jis, 20 Wi, dipi tan Bondjé fè latè-a, nou pouvé wè so pwisans ki pa ké janmen fini é nou pouvé savé ki i sa Bondjé vré. Pas, menmsi nou pa pouvé wè Bondjé, nou ka wè so bèl kalité annan tousa i fè. Donk, yé pa gen pyès rézon fè sa yé ka fè. 25 Yé lésé lavérité-a ki ka vini di Bondjé pou pran manti-a, é a kréyasyon-an yé adoré, yé bay li roun sèrvis sakré pasé yé fè l’ pou Kréyatèr-a, sa-la nou ka louwé pou tout-tan. Anmèn. 26 A pou sa Jéova lagé yé, i lésé vyé anvi sèksyèl yé gen kontrolé yé, paské fanm-yan lésé rélasyon sèksyèl ki nòrmal pou gen rélasyon sèksyèl ki pa nòrmal ; 27 é menm fason-an wonm-yan osi yé lésé rélasyon sèksyèl ki nòrmal ké fanm é yé vin cho pou kouri dèyè ròt wonm, wonm ké wonm, yé fè malpròpté é yé rousouvwè annan yé kò tout pinisyon yé té mérité pou yé mové konpòrtman. 28 Kou pou yé, chaché konnèt Bondjé sa pa té enpòrtan, Bondjé lésé yé gen roun vyé mantalité ki pa ka fè li plézi, é a pou sa yé ka fè bagaj ki pa bon. 32 Yé byen konnèt lalwa Bondjé ki jis : sa-ya ki ka fè sa bagaj-ya mérité lanmò. Magré sa, non sèlman yé ka kontinyé fè sa bagaj-ya, mé anplis di sa yé dakò ké sa-ya ki ka fè sa bagaj-ya.