Actes

3 Apré i soufri, i parèt douvan yé plizyèr fwa, i bay yé prèv ki solid ki té ka montré ki i té vivan. Yé wè li pannan 40 jou, é i té ka palé ké yé di rwayonm Bondjé-a. 6 Lò yé tout té ansanm, yé doumandé li : « Sényèr, ès a aprézan to ké roumété rwayonm-an pou Israyèl ? » 7 I di yé : « Zòt pa gen pou konnèt tan ouben lépòk-ya Papa-a mété anba so pouvwar. 8 Mé zòt ké rousouvwè pwisans lò lèspri sen-an ké vini asou zòt, é zòt ké sa mo témwen annan Jérizalèm, annan tout Jidé ké Samari, é jik annan koté ki pi lwen asou latè-a. » 11 é yé di : « Zòt, moun Galilé, poukisa zòt ka rété la ka gadé syèl-a ? Sa Jézi-a ki té la ké zòt é ki monté laro syèl-a, i ké vin menm fason zòt wè l’ monté laro syèl-a. » 14 Yé tout yé té ka kontinyé priyè ansanm pou menm bagaj-a, ké déztrwa madanm, annan yé i té gen Mari, manman Jézi, épi ké frè Jézi-ya. 24 Épi yé priyè konsa : « O Jéova, to ki konnèt tchò tout moun, montré nou kilès to chwazi ant sa dé mouché-ya