Proverbes

3 Mo pitit, pa bliyé sa mo anprann to-a, é obéyi mo koumannman ké tout to tchò, 3 Pa lésé bonté-a ké fidélité-a lésé to. Maré yé annan to kou é marké yé asou tablèt to tchò ; 4 atò to ké gen favèr Bondjé ké favèr moun-yan é ni yé ni Bondjé ké wè to kou roun moun entélijan. 5 Fè Jéova konfyans ké tout to tchò épi pa konté asou to entélijans. 6 Tchenbé kont di li annan tousa to ka désidé fè, é i ké fè to chimen vini drèt. 7 Pa konté asou sajès to gen. A pou to gen lakrent pou Jéova é a pou to viré do bay tout mové bagaj. 9 Bay Jéova lònò ké sa to gen ki pi bon épi ké prémyé bagaj-ya annan tousa to ka rékòlté. 12 paské Jéova ka korijé sa-ya i kontan, menm fason roun papa ka korijé roun pitit i kontan. 13 Byennéré moun-an ki ka trouvé sajès-a ké moun-an ki ka rivé fè diférans ant sa ki bon ké sa ki mové, 14 paské sa pi bon pou roun moun gen sajès pasé i gen arjan é sa pi bon pou i gen sajès pasé i gen lò. 15 I gen plis valò pasé koray ; i pa gen anyen to pouvé anvi ki gen valò konsa. 16 Annan so lanmen drèt, to ka jwenn roun lavi ki long ; annan so lanmen goch, to ka jwenn richès ké laglwar. 17 So larout agréyab, é tout so chimen ka fè to jwenn lapè. 18 I sa roun pyébwa ki ka bay sa-ya ki ka tchenbé l’ lavi, é sa-ya ki ka tchenbé l’ rèd ké kontan. 21 Mo pitit, pa janmen bliyé sa bagaj-ya. Fè tousa to divèt pou to toujou gen sajès é pou to byen réfléchi ; 22 yé ké fè to gen lavi é yé ké sa roun kolyé pou to kou. 25 To pa ké pè pyès malò tonbé asou to rounsèl kou konsa, é to pa ké pè tanpèt-a ki ké tonbé asou méchan-yan non plis. 27 Si to pouvé idé yé, pa réfizé fè bon bagaj pou sa-ya ki bézwen. 32 paské Jéova rayi moun-an ki ka fè bagaj anba anba, mé i ka divini bon zanmi ké moun-yan ki ka maché drèt.