2 Pierre

2 Bokou moun ké swiv yé èkzanp, yé pa ké maché drèt é yé ké san ronté, é akoz di yé, yé ké malpalé chimen lavérité-a. 3 Épi, afòrs yé voras, yé ké di bagaj pou bloublou zòt pou profité anlè zòt. Mé jijman-an ki ja asou yé dipi nanninannan pa ka trennen, é dèstriksyon-an ki gen pou vini asou yé pa ka dronmi. 5 I pa té pè pini roun monn tan-lontan non plis, mé i protéjé Noé, ki té ka préché lajistis, ké sèt ròt moun, lò i fè roun délij tonbé asou roun monn ki pa té ka rèspèkté Bondjé. 7 I libéré Lòt osi, roun moun ki té jis, ki té boulvèrsé akoz di konpòrtman sa moun-yan ki pa té ka obéyi pyès lalwa, é ki té ka aji san rèspè épi ké toupé 9 Donk Jéova konnèt kouman pou i libéré sa-ya ki kontan li é ki annan éprèv, mé i konnèt osi gardé sa-ya ki enjis pou fin ké yé pannan jou jijman-an.