1 Corinthiens

10 Mo frè-ya, men sa mo lé zòt savé : Tout nou gangan té anba niyaj-a, yé tout janbé lanmè-a, 2 é kou yé té ka swiv Moyiz, yé tout batizé lò yé té anba niyaj-a ké annan lanmè-a. 6 Sa ki rivé yé, a roun avèrtisman pou nou. Nou pa divèt fè kou yé, nou pa divèt anvi fè bagaj ki pa bon. 7 Nou pa divèt adoré zidòl kou roun ran fè l’ ; men sa Ékritir-ya ka di : « Pèp-a asiz pou manjé ké bwè. Épi yé lévé pou yé anmizé. 11 Sa ki rivé pouvé anprann nou bokou bagaj. Bondjé fè moun marké sa pou nou, pou avèrti nou paské lafen sa sistèm-yan rivé asou nou. 12 Donk, a pou sa-la ki ka pansé i dibout panga pou i pa tonbé. 13 I pa gen pyès tantasyon zòt sipòrté ki ròt moun pa janmen viv. Mé Bondjé fidèl ; i pa ké janmen pèrmèt ki zòt tanté pasé sa zòt pouvé sipòrté épi, lò tantasyon-an ké rivé, i ké préparé fason-an pou zòt soti anba l’, pou zòt pouvé andiré l’. 21 Zòt pa pouvé bwè annan pot Jéova ké annan pot démon-yan ; zòt pa pouvé manjé asou « tab Jéova-a » ké asou tab démon-yan. 23 Nou pouvé fè tousa nou lé, mé a pa tout bagaj ki bon pou fè. Nou pouvé fè tousa nou lé, mé a pa tout bagaj ki ka bay moun fòrs. 24 A pou chak moun kontinyé chaché sa ki pi bon pou ròt-a, pasé i chaché sa ki pi bon pou li menm. 25 Manjé tousa yé ka vandé asou marché koté yé ka vandé vyann. Si zòt ka désidé manjé sa vyann-yan, zòt konsyans pa bézwen bat zòt, 26 pas « latè-a ké tousa ki asou l’, a di Jéova ». 31 Atò, ki a lò zòt ka manjé, ki a lò zòt ka bwè, ouben lò zòt ka fè ròt bagaj, bay Bondjé laglwar annan tousa zòt ka fè. 32 Panga pou pa fè Jwif-ya, Grèk-ya ouben asanblé Bondjé-a bité ; 33 mo menm mo ka éséyé fè tout moun plézi annan tout bagaj : mo pa ka chaché sa ki miyò pou mo menm, mé sa ki miyò pou roun patché moun, pou yé sové.