Psaume

62 Wi, mo ka antann Bondjé san mo pa di anyen. A li ki ka sové mo. 2 Wi, i sa mo gro ròch é i ka sové mo, i sa mo réfij ; mo pa ké tonbé san mo pa pouvé lévé. 5 Wi, mo ka antann Bondjé san mo pa di anyen, paské a li ki ka bay mo èspwar. 6 Wi, i sa mo gro ròch é sa-la ki ka sové mo, koté mo vréman an sékirité ; mo pa ké janmen tonbé. 7 A Bonjdé ki ka sové mo, é a li ki sa mo laglwar. Mo gro ròch ki fò, koté mo k’alé séré, a Bondjé. 8 Zòt ki sa so pèp, a pou zòt toujou fè li konfyans ! Di li tousa zòt gen ofon zòt tchò. Bondjé sa roun réfij pou nou. 10 Pa krè zòt zafè ké maché paské zòt ka pran sa ki pa di zòt, é pa krè zòt ké trapé bénéfis si zòt ka vòlò. Si zòt ka vin pi rich, pa konté asou sa.