Marc

1 Koumansman bon nouvèl-a asou Jézi Kris, Pitit Bondjé-a : 2 Kou sa ékri annan liv profèt Izayi-a : « (Gadé ! mo ka voyé mo mésajé douvan to ; i ké préparé to chimen.) 3 Roun moun ka rélé annan dézèr-a : “Préparé chimen Jéova-a ! Fè so larout-ya divini drèt !” » 4 Janbatis té annan dézèr-a. I té ka préché roun batenm ki té ka montré ki yé té répanti é pou Bondjé pardonnen yé péché. 9 A sa lépòk-a, Jézi soti Nazarèt, an Galilé, é Jan batizé l’ annan Jourden-an. 10 Lanmenm, lò i soti anba dlo-a, i wè syèl-a louvri épi lèspri sen-an désann asou li kou roun kolonm. 12 Lanmenm apré sa rivé, lèspri sen Bondjé voyé Jézi annan dézèr-a. 13 I rété 40 jou annan dézèr-a, koté Satan tanté l’. I té ké zannimo sovaj-ya, mé zanj-ya té ka sèrvi l’. 14 Apré yé arété Jan, Jézi alé Galilé. I té ka préché bon nouvèl Bondjé-a, 15 é i té ka di : « Moman-an rivé, é rwayonm Bondjé-a vini pi pròch. A pou zòt répanti é a pou zòt gen lafwa annan bon nouvèl-a. » 18 Lanmenm yé lésé yé filé é yé swiv li. 33 Tout moun annan vil-a té rasanblé jis douvan lapòt kaz-a. 34 Alòr i géri roun patché moun ki té ka soufri ké plizyèr kalité maladi é i tiré roun patché démon. Mé i pa té ka lésé démon-yan palé, paské yé té savé ki i té sa Kris-a. 35 I lévé bònò, pannan i té ka fè nwè toujou, é i soti pou alé roun koté i pa té gen pyès moun. Lò i rivé annan sa koté-a, i koumansé priyè. 38 I réponn yé : « Annou alé ròt koté, annan vil alantou-ya, pou mo préché laba osi. Pas a pou sa mo vini. » 40 Roun mouché ki té gen lalèp vini òbò li é i mété so jounou atè pou sipliyé l’ é i di li : « Si to lé, to pouvé géri mo. » 41 Jézi té gen pityé pou li. I lonjé so lanmen, i touché l’ é i di li : « Wi mo lé ! To géri. » 42 So lalèp disparèt lanmenm, é i géri.