Révélation
3 É sa-la ki té asiz té ka sanblé roun pyèr ki gen bokou valò yé ka aplé jasp, ké roun pyèr ki gen bokou valò yé ka aplé sardwann, é tout lantou tronn-an i té gen roun arkansyèl ki té ka sanblé roun pyèr ki gen bokou valò yé ka aplé émrod. 8 Sa kat kréyatir vivan-yan, yé chak té gen sis zèl. Zèl-ya té plen ké wéy toupatou, ni laro, ni anba. É lannwit kou jou, yé ka di toulong : « Bondjé Jéova, Tou Pwisan-an, li ki té la, ki la é ki ka vini, i sen, i sen, i sen. » 10 vennkat ansyen-yan ka mété yé kò ajounou douvan sa-la ki asiz asou tronn-an é yé ka adoré sa-la ki ka viv pou tout-tan, é yé ka jité yé kouròn douvan tronn-an toupannan yé ka di : 11 « To ka mérité, Jéova nou Bondjé, rousouvwè laglwar ké lònò ké pwisans paské a to ki kréyé tout bagaj, é paské grasa to volonté yé ka èkzisté é to kréyé yé. »