Révélation

12 Épi roun gran sign parèt annan syèl-a : Roun fanm té abiyé ké solèy-a é lalin té anba so pyé, é i té gen roun kouròn fèt ké 12 zétwèl. 2 I té ansent, é soufrans akouchman-an té ka fè li rélé. 3 Rounòt sign parèt annan syèl-a. Gadé ! Roun gran dragon koulèr difé, ké sèt tèt ké dis kòrn, ké roun kouròn asou chak tèt ; 5 É i fè roun pitit, wi roun ti bolonm ki ké mennen tout nasyon-yan ké roun baton an fè. É yé mennen so timoun òbò Bondjé é òbò so tronn. 7 É roun lagèr pété annan syèl-a : Michèl ké so zanj-ya briga kont dragon-an, é dragon-an ké so zanj-ya briga 8 mé yé pa ganyen, é i pa té gen plas pou yé ankò annan syèl-a. 9 Atò yé jité gran dragon-an, sèrpan-an ki té la o koumansman, sa-la yé ka aplé Djab ké Satan, ki ka bloublou tout moun asou latè-a ; yé jité l’ asou latè-a é yé jité so zanj ansanm ké li. 10 Mo tandé roun vwa ki té ka palé fò annan syèl-a ki di : « Aprézan, nou délivrans rivé, pwisans Bondjé, so rwayonm ké pouvwar so Kris la, paské yé jité sa-la ki ka akizé nou frè-ya, sa-la ki ka akizé yé lannwit kou jou douvan nou Bondjé ! 12 Syèl-a, é zòt ki ka rété annan l’, a pou zòt tchò kontan ! Mé malò pou zòt, latè-a ké lanmè-a, paské Djab-a désann asou latè-a é i kòlè toubonnman paské i savé i ka rété roun ti moso tan. » 15 É sèrpan-an vronmi dlo dèyè fanm-an, dlo té ka soti di so djòl kou roun flèv pou néyé l’. 16 Mé latè-a vini pou idé fanm-an, é latè-a louvri so bouch épi i valé flèv dragon-an té vronmi ké so djòl. 17 Atò, dragon-an koumansé kòlè dèyè fanm-an, é i alé fè lagèr kont larèstan so pitit, é kont sa-ya ki ka obéyi koumannman Bondjé é ki divèt bay témwanyaj asou Jézi .