Proverbes

12 Sa-la ki kontan disiplin-an kontan konsésans-a, mé sa-la ki rayi moun fè li répròch pa entélijan. 11 Sa-la ki ka travay so latè ké plen so vant ké manjé, sa-la ki ka chaché gen sa ki pa vo anyen pa ka byen réfléchi. 14 Grasa bon kichoz roun moun ka di, tout bagaj ka roulé ron pou li, é i ké jwen bénédiksyon parapòrta so travay. 15 Roun moun tèbè toujou ka fè sa ki bon dapré li ; moun-an ki saj, li menm, ka kouté konsèy yé ka bay li. 16 Moun-an ki sòt ka nèrvé vitman, mé moun-an ki gen bon tèt pa mélé lò yé ka jouré l’. 18 Lò roun moun ka palé san réfléchi, a kousidiré i ka bay kout sab, mé paròl roun moun ki saj ka géri. 20 Moun-yan ki ka réfléchi pou fè sa ki mové gen roun tchò plen ké malis, mé sa-ya ki ka ankourajé moun fè lapè gen tchò kontan. 24 Sa-ya ki ka travay rèd ké koumandé, mé sa-ya ki fenyan ké sa dé èsklav. 25 Lò roun moun enkyèt, so tchò ka vin lou, mé roun bon paròl ka bay li tchò kontan.