Isaïe

60 « Lévé, o fanm, épi kléré toupatou, pas to limyèr rivé. Laglwar Jéova ka kléré to. 2 Wi, gro soukou ké kouvri latè-a, é soukou dou ké kouvri nasyon-yan ; mé Jéova ké kléré asou to, é yé ké wè so laglwar asou to. 3 Roun patché nasyon ké vansé annan to limyèr, é roun patché rwa ké vansé annan to laglwar ki ka kléré fò. 16 Wi, to ké bwè nasyon-yan yé dilèt, to ké tété rwa-ya ; é asiré pa pitèt, to ké savé ki mo, Jéova, a mo ki ka sové to, é ki a Bondjé Jakòb-a, Pwisan-an, ki ka viré achté to. 17 Mo ké mété lò annan plas kwiv-a, mo ké mété arjan annan plas fè-a, mo ké mété kwiv annan plas bwa-a é mo ké mété fè annan plas ròch-ya ; wi, mo ké mété lapè anlè to, i ké sa to rèsponsab, é mo ké mété lajistis anlè to, i ké sa moun-an ki ka bay to travay. 21 É tout sa ki annan to pèp ké sa dé moun ki jis ; yé ké gen péyi-a pou tout-tan. Yé sa plan mo planté-a, travay mo fè ké mo lanmen, pou bay mo laglwar. 22 Piti-a ké divini bokou, é sa-la ki pa gen valò ké divini roun nasyon ki fò. Mo, Jéova, lò moman-an ké rivé, mo ké fè sa fèt pi vit. »