Isaïe

35 Dézèr-a ké koté ki sèk-a ké kontan toubonnman. Savann ki sèk-a ké kontan é i ké fè flèr kou safran. 2 Asiré pa pitèt, i ké fè flèr ; i ké kontan é i ké rélé tèlman i kontan. Yé ké bay li laglwar Liban-an, i ké bèl kou Karmèl ké Saron. Yé ké wè laglwar Jéova, grandèr nou Bondjé. 5 A sa lépòk-a, wéy moun ki avèg ké louvri é zorè moun ki sourdo ké louvri. 6 A sa lépòk-a, moun-an ki ka bwété ké kouri kou roun bich, é lang sa-la ki pa pouvé palé ké rélé fòrs i kontan. Dlo ké yenki vòltijé annan dézèr-a, é gran larivyè ké koulé annan dézèr-a. 8 É i ké gen roun gran larout annan sa koté-a, wi, roun chimen yé ké aplé Chimen ki sen-an. Sa-la ki pa sen pa ké pasé la. Sa chimen-an, a ké pou sa-ya ki gen drwa pran l’ rounso ; pyès moun ki sòt pa ké maché la.