Ecclésiaste

11 Voyé to dipen asou dlo-a, paské to ké viré jwenn li apré roun patché jou. 4 Sa-la ki ka gadé van-an vanté pa ké sonmen anyen é sa-la ki ka gadé niyaj-ya pasé pa ké rékòlté anyen. 5 Menm fason to pa savé kouman lèspri-a ka aji annan zo timoun-an ki annan vant roun madanm ki ansent, to pa savé sa vré Bondjé-a, sa-la ki ka fè tout bagaj, ka fè. 6 Sa to gen pou sonmen, sonmen l’ bonmanten é pa lésé to lanmen pozé jik aswè ; paské to pa savé kilès ki ké pousé : sa-la, ròt-a, ouben toulédé. 7 Limyèr-a dous, é a roun bon bagaj lò to wéy ka wè solèy-a. 8 Pas si roun moun ka viv roun patché lannen, a pou i byen profité di chak lannen. Mé a pou i sonjé i pouvé gen roun patché jou malò ; tousa ki ka vini dèyè pa vo anyen. 9 Jennjan, pran plézi tout tan to jenn, é a pou to tchò kontan pannan to jénès. Swiv chimen to tchò anvi pran é alé la to wéy ka mennen to ; mé a pou to savé  ki vré Bondjé-a ké jijé to pou tout sa bagaj-ya. 10 Donk, tiré annan to tchò tousa ki ka bay to problèm é rété lwen di tousa ki pa bon pou to, paské lò roun moun jenn é i gen tout so fòrs, a pou roun tan.