Hébreux

6 A pou sa, kou nou ja anprann ansèyman enpòrtan-yan asou Kris, annou byen désidé vansé pou nou vin djòk, san nou pa roumété fondasyon-an, sa lé di : répanti pou mové bagaj ké lafwa annan Bondjé, 9 Mé, zòt nou kontan-an, menmsi nou ka palé ké zòt konsa, nou sir ki zòt annan roun pi bon sitiasyon, pas zòt ka fè bagaj ki ké fè Bondjé sové zòt. 10 Paské Bondjé pa enjis pou i bliyé sa zòt fè pou li, ni lanmou zòt montré pou so non lò zòt idé sen-yan, kou zòt ka fè l’ jis jòdla. 11 Mé nou lé zòt chak montré sa menm balan-an pou kontinyé tchenbé èspwar zòt gen-an jistan lafen-an rivé, 12 pou zòt pa divini fenyan, mé pou zòt imité sa-ya ki ka rousouvwè sa Bondjé promèt, grasa yé lafwa ké yé pasyans. 15 A konsa, apré Abraam pran pasyans, i jwenn sa Bondjé té promèt li. 18 konsa, grasa dé bagaj ki pa pouvé chanjé, annan sa bagaj-ya Bondjé pa pouvé manti, nou menm ki kouri alé séré annan réfij-a, nou pouvé gen roun bèl ankourajman pou nou tchenbé èspwar Bondjé mété douvan nou-a byen fò. 19 Nou gen sa èspwar-a kou roun lank pou nou lavi, sa èspwar-a sir ké solid, é i ka antré pa dèyè rido-a,