2 Corinthiens

4 A pou sa, kou nou gen sa ministèr-a grasa mizérikòrd Bondjé, nou pa ka lésé tonbé. 3 Si bon nouvèl nou ka fè moun konnèt-a séré vré, i séré pou sa-ya ki asou chimen lanmò, 4 koté sa-ya ki pa ka krè paské bondjé sa monn-an ka bloublou yé entélijans, é akoz di sa, limyèr bon nouvèl-a ki plen ké laglwar, bon nouvèl asou Kris-a, ki sa pòrtrè Bondjé, pa pouvé pasé pou kléré yé. 6 Pas a Bondjé ki di : « A pou limyèr-a kléré anmitan soukou », é i kléré nou tchò pou konésans Bondjé ki plen ké laglwar kléré yé grasa vizaj Kris-a. 7 Mé, nou gen sa trézòr-a annan vaz fèt ké latè, pou sa pwisans-a ki ka dépasé pwisans ki nòrmal-a pa vini di nou menm, mé pou i vini di Bondjé. 8 Nou anba tout kalité présyon, mé sa pa asé pou anpéché nou boujé, nou pa savé sa pou nou fè, mé nou pa janmen ka rété la san i pa gen roun lapòt ka louvri pou nou ; 9 yé ka pèrsékité nou, mé nou pa tousèl ; yé ka jité nou atè, mé nou pa krazé. 13 Nou gen menm kalité lafwa-a, dapré sa ki marké : « Mo montré mo té gen lafwa, a pou sa mo palé » ; donk, nou menm osi nou ka montré nou gen lafwa, a pou sa nou ka palé, 16 A pou sa nou pa ka lésé tonbé ; mé pito, menmsi nou kò ka vin plizanpli malad, asiré pa pitèt moun-an nou sa ofon ka vini pi nòv chak jou. 17 Paské menmsi éprèv-ya la pou roun ti moman é yé pa lou, yé ka fè nou gen roun laglwar ki plizanpli gran é ki la pou tout-tan. 18 A pou sa nou pa ka mété nou wéy asou bagaj nou ka wè, mé asou sa nou pa ka wè, paské bagaj nou ka wè la pou roun tan, mé bagaj nou pa ka wè la pou tout-tan.