Juges

12 Zanj Jéova-a vini douvan li épi i di li : « Jéova la ké to, to ki sa roun sòlda pwisan. » 13 Apré sa Jédéyon réponn : « Èskizé mo, mo sènyèr, mé si Jéova ké nou, poukisa tout sa bagaj-ya rivé nou ? Koté tout bèl bagaj-ya i fè ki nou papa rakonté nou ? Lò yé té ka di : “A Jéova ki fè nou soti Éjip”. Jòdla Jéova anbandonnen nou é i lagé nou annan lanmen Madyanit-ya. » 14 Jéova mété so kò anfas di li é i di l’ : « Alé ké fòrs to ganyen, é to ké libéré Israyèl anba lanmen Madyanit-ya. Wi, a mo ki ka voyé to ! » 15 Jédéyon réponn li : « Èskizé mo, Jéova. Kouman mo pouvé sové Israyèl ? Gadé ! Mo fanmi, a pi piti fanmi-a annan ti nasyon Manasé, é mo menm, a mo ki gen mwens enpòrtans annan fanmi mo papa. »