Matthieu

4 Vréman mo ka di zòt sa, si roun moun ka bay roun di sa piti-ya roun senp vèr dlo glasé paské i sa roun disip, sa moun-an pa ké pédi so rékonpans. 5 Jézi voyé sa 12 wonm-yan fè roun travay, é men sa i di yé : « Pa alé wè moun ròt nasyon-yan é pa alé annan pyès vil samariten ; 6 kontinyé alé wè brébi ki pédi annan nasyon Israyèl-a pito. 7 Lò zòt ké alé, préché épi di : “Rwayonm-an ki annan syèl-a vin pi pròch.” 8 Géri moun-yan ki malad, résisité moun mouri-ya, géri sa-ya ki gen lalèp, mété démon-yan dèrò. Zòt rousouvwè san zòt pa péyé anyen, bay san zòt pa doumandé anyen. 15 Vréman mo ka di zòt ki jou jijman-an ké pi rèd pou sa vil-a ki pou Sodòm ké Gomòr. 16 « Gadé ! Mo ka voyé zòt kou mouton anmitan lou ; atò, a pou zòt panga kou sèrpan, é a pou zòt inosan kou kolonm. 17 Panga moun-yan, paské yé ké mennen zòt douvan tribinal é yé ké fwété zòt annan yé sinagòg. 18 Yé ké mennen zòt douvan gouvèrnèr ké rwa akoz di mo. É a ké roun témwanyaj pou yé ké nasyon-yan. 19 Mé lò yé ké jijé zòt annan tribinal, pa enkyété pou savé ni kisa zòt ké di ni fason zòt ké di l’ paské Bondjé ké fè zòt savé sa zòt ké divèt di sa moman-an. 20 Paské, a pa zòt rounso ki ka palé ; mé a lèspri zòt Papa ki ka sèrvi zòt bouch pou palé. 22 Tout moun ké rayi zòt akoz di mo non. Mé sa-la ki ké tchenbé jouktan lafen-an rivé ké sové. 23 Lò yé ké pèrsékité zòt annan roun vil, chapé annan rounòt vil. Paské, vréman mo ka di zòt ki zòt pa ké gen tan fini pasé annan tout vil Israyèl-ya, anvan Pitit wonm-an rivé. 27 Sa mo ka di zòt annan soukou, a pou zòt di l’ lò i gran jou. Sa mo ka di zòt tou dousman, a pou zòt fè tout moun tandé l’. 28 Épi pa pè sa-ya ki ka tchwé kò-a, mé ki pa pouvé tchwé nanm-an. A pou zòt gen lakrent pou sa-la ki pouvé détrwi ni nanm-an ni kò-a annan lajéèn. 29 Yé ka vandé dé mwano pou roun ti lanmonnen ki pa gen bokou valò, pa vré ? Magré sa, pyès annan yé pa ka tonbé atè san zòt Papa pa wè sa. 30 Mé zòt menm, menm chivé ki asou zòt tèt i ka konté yé tout. 31 Donk pa pè : zòt gen plis valò pasé roun patché mwano. 32 « Si roun moun ka di douvan tout moun ki i sa mo disip , mo menm osi mo ké di mo Papa ki annan syèl-a ki i sa mo disip. 33 Mé si roun moun ka di douvan tout moun ki i pa konnèt mo, mo menm osi mo ké di mo Papa ki annan syèl-a ki mo pa konnèt li. 34 Pa pansé ki mo vini mété lapè asou latè-a. Mo pa vini mété lapè, mé zépé. 35 Paské mo vini mété dézòrd ant roun mouché ké so papa, ant roun tifi ké so manman, é ant roun bèlfi ké so bèlmè. 36 Wi, lèlmi roun moun, a ké so pròp fanmi. 37 Sa-la ki pi kontan so papa ouben so manman pasé mo, pa mérité sa mo disip, é sa-la ki pi kontan so tibolonm ouben so tifi pasé mo, pa mérité sa mo disip. 38 É sa-la ki pa ka asèpté so poto soufrans épi pa ka swiv mo, pa mérité sa mo disip.