Romains
15 Mé nou menm ki fò, pasé nou fè sa ki ka fè nou plézi, nou divèt poté féblès sa ki pa fò. 2 A pou nou chak fè sa ki ka fè so konpanyen plézi pou so byen, pou fè l’ grandi. 3 Paské menm Kris pa fè sa ki té ka fè l’ plézi, mé kou sa marké : « Sa moun ka di pou jouré to ka tonbé anlè mo. » 4 Paské tout bagaj yé ékri tan-lontan, yé ékri sa pou nou anprann patché bagaj, pou nou pouvé gen roun èspwar paské nou ka kontinyé tchenbé rèd é paské Ékritir-ya ka konsolé nou. 5 Mé, a pou Bondjé ki ka idé nou tchenbé é ki ka konsolé nou pèrmèt zòt tout gen menm mantalité ki Jézi té gen-an, 7 A pou sa byen rousouvwè zòt konpanyen, menm fason Kris osi byen rousouvwè zòt pou laglwar Bondjé. 13 A pou Bondjé-a ki ka bay roun èspwar plen zòt ké lajwa ké lapè, paské zòt ka fè li konfyans, pou zòt plen ké èspwar grasa pwisans lèspri sen-an. 15 Mé, mo ka ékri zòt san katakata asou sèrten bagaj, pou fè zòt sonjé sa bagaj-ya rounòt kou ankò. Mo ka fè l’ paské grasa favèr nou pa mérité Bondjé bay mo-a, 16 mo sa roun minis Jézi Kris pou nasyon-yan. Mo ka fè roun travay ki sen, mo ka fè moun konnèt bon nouvèl Bondjé-a, pou sa nasyon-yan sa roun ofrann Bondjé ka asèpté, ki vin sen grasa lèspri sen. 23 Mé aprézan, annan sa koté-ya mo pa gen téritwar koté mo pòkò préché, é dipi plizyèr lannen, mo anvi vini koté zòt. 30 Aprézan, mo frè-ya, grasa lafwa nou gen annan Jézi Kris, nou Sényèr, é grasa lanmou ki ka vini di lèspri sen-an, mo ka ankourajé zòt kontinyé priyè Bondjé pou mo, kou mo menm mo ka fè l’. 33 A pou Bondjé-a ki ka bay lapè la ké zòt tout ! Anmèn.