Révélation

13 É i arété asou sab lanmè-a. É mo wè roun bèt féròs soti annan lanmè-a. I té gen dis kòrn ké sèt tèt, ké roun kouròn asou chak kòrn, mé asou chak tèt i té marké non ki té ka dérèspèkté Bondjé. 2 É bèt féròs mo wè-a té ka sanblé roun tig mé so pyé té kou sa di roun lous é so djòl té kou sa di roun lyon. É dragon-an bay bèt-a so pwisans ké so tronn ké bokou pouvwar. 3 Mo wè ki roun di so tèt té pran roun kou ki té pouvé tchwé l’, mé bobo-a té géri, épi tout latè-a swiv bèt féròs-a é yé té ka admiré l’. 4 É yé koumansé adoré dragon-an paské i bay bèt féròs-a pouvwar lò i di li : « Kimoun ki kou bèt féròs-a, é kimoun ki pouvé briga ké li ? 7 Yé pèrmèt li fè lagèr ké sen-yan é bat yé, é yé bay li pouvwar asou tout ti nasyon, tout pèp, tout lang ké tout nasyon. 8 É moun asou latè-a ké adoré l’. Dipi koumansman monn-an, pyès annan yé non pa té marké annan roulo lavi-a Timouton-an yé tchwé. 10 Si roun moun divèt alé lajòl, i ké alé lajòl. Si roun moun ka tchwé ké zépé, a pou yé tchwé l’ ké zépé. A la sen-yan bézwen andirans ké lafwa. 11 Épi mo wè rounòt bèt féròs monté di latè-a. I té gen dé kòrn kou kòrn roun ti-mouton, mé i koumansé palé kou roun dragon. 13 I ka fè gran mirak, i jis ka fè difé soti di syèl-a pou tonbé asou latè-a douvan moun-yan. 14 I ka sèrvi mirak i pouvé fè douvan bèt féròs-a pou bloublou moun-yan ki asou latè-a, toupannan i ka di yé fè roun zimaj di bèt féròs-a ki pran roun kout zépé mé ki rouviv. 15 É yé pèrmèt li bay zimaj bèt féròs-a lavi, pou zimaj bèt féròs-a pouvé palé é pou i fè yé tchwé tout sa ki ka réfizé adoré zimaj bèt féròs-a. 16 I ka blijé tout moun — piti kou gran, rich kou maléré, sa ki lib kou sa ki èsklav — rousouvwè roun mark asou yé lanmen drèt ouben asou yé fron, 17 pou pyès moun pa pouvé ni achté ni vandé si i pa gen mark-a, sa lé di non bèt féròs-a ouben niméro-a ki ka alé ké sa non-an.