Actes

18 Apré sa, i lésé Atèn pou alé Korent. 2 La, i kontré ké Akilas, roun Jwif ki té ka vini di roun koté yé té ka aplé Pon. I té fin rivé Itali ké so madanm, Prisil, paské Klod té défann Jwif-ya rété Ròm. Pòl alé wè yé 3 é, kou yé té ka fè menm travay-a, i rété annan yé kaz épi i travay ké yé ; yé té ka fè tant. 4 Chak saba, Pòl té ka fè roun diskour annan sinagòg-a é i té ka idé Jwif-ya ké Grèk-ya krè. 5 Mé lò Silas ké Timoté désann di Masédwann, Pòl koumansé mété tout so fòrs annan prédikasyon-an ; i té ka palé pou Jwif-ya pou montré yé ki Jézi sa Kris-a. 8 Krispis, prézidan sinagòg-a, koumansé gen lafwa annan Sényèr-a, li ké tout sa ki té ka rété annan so kaz. É roun patché moun Korent ki té ka tandé mésaj-a koumansé krè é yé batizé. 9 Anplis di sa, roun jou, a té lannwit, Sényèr-a di Pòl annan roun vizyon : « Pa pè, épi kontinyé palé, pa fronmen to bouch, 10 paské mo la ké to. Pyès moun pa ké manyen to pou fè to méchansté. Mo gen patché moun annan sa vil-a toujou. » 20 Yé pa arété doumandé li rété ké yé pi lontan, mé i pa asèpté 21 é i di yé ovwè, i di yé : « Mo ké viré vin wè zòt, si Jéova lé. » Pòl lésé Éfèz i barké annan roun bato 22 pou alé Sézaré. Apré sa, i monté di asanblé-a bonjou, épi i désann Antyòch. 24 Roun jwif yé ka aplé Apolos, rivé Éfèz, a té roun moun Alèksandri ; i té ka palé byen menm é i té byen konnèt Ékritir-ya. 26 I koumansé palé ké kouraj annan sinagòg-a. Lò Prisil ké Akilas tandé l’ palé, yé mennen l’ ké yé épi yé èspliké l’ vré anséyman Bondjé-a.