Ézéchiel

2 « Pitit wonm-an, tounen to kò pou gadé Gòg ki soti annan péyi Magòg-a, gran chèf Mésèk ké Toubal é profétizé malò-a ki ké rivé li. 11 To ké di : ‘Mo ké anparé di sa péyi-a koté moun-yan pa gen anyen ka protéjé yé. Mo ké ataké sa-ya ki ka viv san yé pa pè anyen rivé yé, tout sa-ya ki ka rété koté i pa gen ni miray, ni bar, ni lapòt.’ 14 « A pou sa, pitit wonm-an, a pou to profétizé, é a pou to di Gòg : “Men sa Souvéren Sényèr Jéova-a ka di : ‘Jou mo pèp Israyèl ké viv an sékirité, to ké wè l’, a pa vré ? 15 To ké vin di to koté, koté-ya ki pi lwen o nòr, to épi patché pèp ansanm ké to, asou chouval, roun patché moun, roun gran larmé. 16 Kou niyaj-ya ki ka kouvri péyi-a, to ké ataké mo pèp Israyèl. Pannan dèrnyé jou-ya, mo ké fè to ataké mo péyi, pou nasyon-yan konnèt mo lò mo ké itilizé to, o Gòg, pou sanktifyé mo kò douvan yé wéy ! » 18 « “Sa jou-a, jou-a Gòg ké ataké péyi Israyèl-a, mo kòlè ké pété, a sa Souvéren Sényèr Jéova-a ka di. 21 « “Asou tout mo montangn, mo ké aplé roun zépé pou i frapé l’, men sa Souvéren Sényèr Jéova-a ka di. Chak wonm ké lévé so zépé kont so frè. 23 Wi, mo ké montré mo pwisans, mo ké montré ki mo sa roun Bondjé ki sen é mo ké fè roun patché nasyon konnèt mo. É yé ké savé ki mo sa Jéova.”