Éphésiens

2 Anplis di sa, Bondjé fè zòt viv, magré zòt té ja mouri akoz di péché ké fot 2 zòt té ka fè anvan, lò zòt té ka viv kou moun-yan annan sa monn-an ka viv, é lò zòt té ka swiv sa-la ki ka kontrolé mantalité sa monn-an kousidiré a té lè-a a nou lantou, chèf lèspri-a ki ka aji annan pitit-ya ki ka dézobéyi. 3 Wi, anvan, nou tout té ka fè kou sa moun-yan, nou té ka fè sa nou kò té anvi fè é sa nou lidé té ka di nou fè, é dipi jou nou fèt, nou té mérité kòlè Bondjé kou ròt-ya. 4 Mé Bondjé, ké so gran mizérikòrd, paské i kontan nou bokou, 5 bay nou lavi ansanm ké Kris, toupannan nou té mouri akoz di nou fot ; a grasa so favèr nou pa mérité zòt sové. 6 Anplis di sa, i bay nou lavi ansanm ké Kris , é i fè nou asiz ké li annan syèl-a ansanm ké Jézi, 7 konsa, annan sistèm ki ka vini-ya, i ké montré nou richès so favèr nou pa mérité toupannan i ka montré nou so bonté, pou nou ki ansanm ké Jézi Kris. 12 A sa moman-an, zòt té san Kris, zòt pa té ka fè parti di nasyon Israyèl-a, zòt pa té annan alyans-ya parapòrta promès Bondjé-a. Zòt pa té gen pyès èspwar é zòt té ka viv annan monn-an san Bondjé. 21 Tout parti kaz-a byen kolé ansanm ké li é ka grandi pou divini roun tanp ki sen pou Jéova.