1 Corinthiens

7 Tout mannyè, dipi zòt ka mennen zòt konpanyen douvan lalwa, zòt ja pédi. Poukisa zòt pa ka lésé yé profité asou zòt pito ? Poukisa zòt pa ka lésé yé pran tousa zòt gen pito ? 9 Ès zòt pa savé ki moun ki pa jis pa ké érité rwayonm Bondjé-a ? A pa pou zòt bloublou zòt pròp kò : sa-ya ki gen mové kondwit sèksyèl, sa-ya ki ka adoré zidòl, moun ki ka tronpé yé mari ouben yé madanm, wonm ki ka kouché ké wonm, 10 volèr-ya, moun ki toujou lé gen plis, tafyatò, moun ki ka jouré moun, ké sa-ya ki ka doublé moun pou vòlò yé soumaké pa ké érité rwayonm Bondjé-a. 11 É pourtan, a sa roun ran annan zòt té ka fè. Mé yé lavé zòt, yé sanktifyé zòt é zòt divini jis annan non Sényèr Jézi Kris ké lèspri nou Bondjé. 12 Mo pouvé fè tousa mo lé, mé a pa tout bagaj ki bon pou fè. Mo pouvé fè tousa mo lé, mé mo pa ké lésé anyen fè mo vin èsklav. 18 Pran kouri pou tout mové kondwit sèksyèl ! Nenpòrt ki ròt péché roun moun pouvé fè, a pa kont so pròp kò i ka fè l’, mé sa-la ki ka fè mové bagaj sèksyèl ka péché kont so pròp kò. 19 Zòt pa savé ki zòt kò sa tanp lèspri sen-an ki annan zòt é ki Bondjé bay zòt ? Anplis di sa, zòt kò, a pa di zòt, 20 paské a péyé yé péyé roun pri pou achté zòt. Atò, sèrvi zòt kò pou bay Bondjé laglwar.