Matthieu

8 Mé zòt menm, pa fè pyès moun aplé zòt Rabi, paské zòt gen rounsèl Ansényan, é zòt tout frè. 9 Anplis di sa, pa aplé pyès moun asou latè-a papa, pas zòt gen rounsèl Papa : sa-la ki annan syèl-a. 10 Épi pa fè pyès moun aplé zòt chèf, paské zòt gen rounsèl Chèf : Kris. 11 Mé sa-la ki pi enpòrtan divèt zòt sèrvitèr. 12 Sa-la ki ka krè i pi enpòrtan, yé ké fè l’ ronté, épi sa-la ki ka fè so kò toupiti, yé ké mété l’ pi rot. 21 sa-la ki ka jouré asou Tanp-a ka jouré ni asou Tanp-a ni asou sa-la ki ka rété annan l’ 23 « A pou malò vini asou zòt èskrib-ya ké farizyen-yan ! Ipokrit ! Paské zòt ka bay dizyèm asou mant-a, annèt ké kimen-an, mé zòt mété bagaj ki pi enpòrtan annan Lalwa-a asou koté, sa lé di lajistis, mizérikòrd ké fidélité-a. Zòt té divèt bay sa bagaj-ya san zòt pa mété ròt-ya asou koté. 33 Sèrpan, pitit vipèr, kouman zòt ké pouvé chapé anba jijman lajéèn-an ? 37 « Jérizalèm, Jérizalèm, vil-a ki ka tchwé profèt-ya é ki ka tchwé sa-ya yé voyé koté li ké ròch ! Konmyen fwa mo té lé rasanblé to pitit kou roun poul ka rasanblé so pitit anba so zèl ! Mé zòt pa té lé. 38 Gadé ! Bondjé ka lésé zòt kaz pou zòt.