Deutéronome

2 Mo ansèyman ké tonbé kou lapli ; mo paròl ké koulé kou larozé, kou ti lapli asou zèrb-ya é kou gro lapli asou radyé-ya. 3 Paské mo ké fè yé konnèt non Jéova. A pou zòt di kouman nou Bondjé gran ! 4 Tousa gro Ròch-a ka fè parfè, pas tousa i ka fè jis. Bondjé ki fidèl, i pa janmen enjis ; i jis é i toujou ka fè sa ki drèt. 7 Sonjé jou tan-lontan-yan ; réfléchi asou tout jénérasyon ki pasé lannen apré lannen. Doumandé to papa, i ké rakonté to ; doumandé sa ki pi gran pasé to, é yé ké di to. 29 A ! Si yé té saj ! Yé té ké pran tan byen réfléchi asou sa. Yé té ké réfléchi asou sa ki té ké rivé yé. 31 Paské yé gro ròch pa kou nou gro Ròch, menm nou lèlmi konprann sa. 47 Paské a pa paròl ki pa gen valò. Yé ké fè zòt trapé lavi, é grasa sa paròl-ya zòt ké pouvé viv lontan annan péyi zòt ké gen-an apré zòt ké fin janbé Jourden-an. »