1 Pierre

3 Menm fason-an, zòt madanm-yan, rété soumi anba zòt mari, konsa, si i gen sa ki pa ka obéyi paròl-a, kondwit yé madanm ké bay yé anvi adoré Bondjé, san yé pa bézwen di anyen, 2 paské yé wè kouman zòt konpòrtman té pròp douvan Bondjé é plen ké rèspè. 3 A pa pou zòt bèlté sa sa ki ka parèt dèrò — chivé trésé, bijou fèt ké lò ouben bèl lenj —, 4 mé, a pou sa bèlté-a ofon zòt tchò, sa lé di bèlté-a ki pa ka gaté, di moun-an ki dous é ki ka chaché lapè é ki gen bokou valò pou Bondjé. 5 Pas a konsa fanm tan-lontan ki té sen é ki té ka mété yé èspérans annan Bondjé té ka fè yé kò bèl. Yé té ka soumèt yé kò anba yé mari, 6 kou Sara ki té ka obéyi Abraam é ki té ka aplé li « sényèr ». É zòt divini so tifi, sèlman si zòt ka kontinyé fè sa ki bon é si zòt pa ka moli paské zòt pè. 7 Menm fason-an, zòt wonm maryé, asou fason zòt ka viv ké zòt madanm montré yé ki zòt ka konprann yé. A pou zòt bay yé lònò kou pou roun vaz ki pi frajil, sa lé di fanm-an, paské yé osi ké érité favèr lavi nou pa mérité-a ansanm ké zòt, pou anyen pa baré zòt lapriyè. 8 Pou fini, a pou zòt tonbé dakò annan fason zòt ka réfléchi, a pou zòt antré annan lapenn sa-ya ki ka soufri, a pou zòt kontan zòt frè ké sò-ya ké tout zòt tchò, gen konpasyon ké tandrès é a pou zòt gen imilité. 9 Pa randé pyès moun mové bagaj yé fè zòt, pa jouré pyès moun pas yé jouré zòt. Pasé zòt fè sa, réponn yé ké roun bénédiksyon, paské Bondjé chwazi zòt pou zòt béni ròt-ya, konsa, zòt ké pouvé gen roun bénédiksyon zòt menm osi. 11 A pou i tounen so do bay sa ki mové é a pou i fè sa ki bon ; a pou i chaché lapè é a pou i fè tousa i pouvé pou jwenn li. 12 Paské wéy Jéova, a asou moun ki jis yé fika, é so zorè ka kouté lò yé ka sipliyé l’, mé vizaj Jéova kont sa-ya ki ka fè mové bagaj ». 14 É menmsi zòt ka soufri paské zòt ka fè sa ki jis, zòt pouvé gen tchò kontan. Mé, pa pè sa ki ka fè yé pè, é a pa pou sa troumanté zòt. 15 A pou zòt rékonnèt annan zòt tchò ki Kris sa roun Sényèr é ki i sen. A pou zòt toujou paré pou défann zòt kò douvan tout moun ki ka doumandé zòt poukisa zòt gen sa èspwar-a ; mé a pou zòt fè sa ké dousèr ké bokou rèspè. 16 A pou zòt kontinyé gen roun bon konsyans, konsa, kèlkéswa sa yé ka di asou zòt, sa-ya ki ka kritiké zòt ké pran ronté akoz di zòt bon konpòrtman paské zòt sa dé disip Kris. 18 A sa menm, Kris mouri roun bon kou pou péché-ya, roun moun ki jis mouri pou moun ki pa jis, pou zòt pouvé byen ké Bondjé. Lò yé tchwé l’, i mouri ké so kò fèt ké lachè, mé i résisité ké roun kò èspirityèl. 20 sa lèspri-ya ki té dézobéyi tan-lontan lò Bondjé té ka pran pasyans annan lépòk Noé-a, toupannan yé té ka fè arch-a, arch-a koté i pa gen bokou moun, sa lé di wit nanm, ki rivé sové di dlo-a. 21 Menm fason-an, batenm-an ka sové zòt osi aprézan. I pa ka tiré salté lachè-a, mé a doumandé nou ka doumandé Bondjé bay nou roun bon konsyans, é i ka sové nou grasa rézirèksyon Jézi Kris. 22 Sa-la òbò Bondjé, a so drèt, paské i alé annan syèl-a, é Bondjé mété zanj, otorité ké chèf-ya anba so pouvwar.