Galates

6 Mo frè-ya, menmsi roun moun ka fè roun bagaj i pa té divèt fè san i pa randé so kò kont, zòt ki adòk, éséyé ralé sa moun-an mété l’ asou bon chimen-an, é a pou zòt fè sa ké dousèr. Mé véyé to kò, pou to menm osi to pa tanté. 2 Kontinyé poté fardo zòt konpanyen, a konsa zòt ké fè sa lalwa Kris-a ka di. 3 Paské si roun moun ka pansé i pi enpòrtan pasé pyès moun menmsi i pa anyen, i ka tronpé so pròp kò. 4 Mé a pou chak moun gadé sa i menm ka fè, é a konsa i ké pouvé kontan parapòrta li menm, é pa paské i ka konparé so kò ké rounòt moun. 5 Paské chak moun ké poté sopa charj. 7 Pa tronpé zòt kò : pyès moun pa pouvé jwé ké Bondjé. Paské sa roun moun ka sonmen, a sa i ké rékòlté osi ; 8 paské si roun moun ka sonmen pou so lachè, so lachè ké fè li trapé dèstriksyon-an, mé si roun moun ka sonmen pou lèspri, lèspri-a ké fè li trapé lavi pou tout-tan. 9 Donk, annou pa arété fè sa ki bon, paské lò tan-an ké rivé, nou ké rékòlté si nou pa ka moli. 10 Donk, dipi nou pouvé fè l’, annou fè bon bagaj pou tout moun, mé èspésyalman pou nou frè ké sò-ya annan lafwa. 16 A pou Bondjé pran pityé pou tout sa ki ka swiv sa prensip-a épi a pou i bay yé lapè, yé ki sa Israyèl Bondjé-a !