Galates

16 Alòr mo ka di zòt : kontinyé lésé lèspri-a gidé zòt é zòt pa ké fè pyès bagaj lachè anvi fè. 19 Mé nou ka byen wè sa lachè-a ka bay ; a bagaj sèksyèl malpròp, kondwit ki pa pròp, kondwit ki ka dérèspèkté Bondjé san ronté, 20 adoré zidòl, fè tchenbwa, rayi moun, babyé, jalouzi, mové kòlè, zafè pa tonbé dakò ké ròt moun, divizyon, fè klan, 21 anvyé moun, bwè pou sou, lafèt koté yé ka fè yenki bagaj malpròp ké ròt bagaj konsa. Asou sa, mo ka avèrti zòt, kou mo ja avèrti zòt anvan : sa-ya ki ka fè sa kalité bagaj-ya pa ké gen rwayonm Bondjé-a. 22 Parkont, frwi lèspri-a, a lanmou, lajwa, lapè, pasyans, byenvéyans, bonté, lafwa, 23 dousèr ké kontrolé nou kò. I pa gen pyès lalwa kont sa kalité bagaj-ya. 26 Annou pa chaché fè nou kò rémarké, annou pa chaché dépasé nou konpanyen, ni jalou nou konpanyen.