Romains

14 A pou zòt byen rousouwvè moun-an so lafwa pa djè fò, é pa kritiké sa-ya ki pa ka pansé kou zòt. 4 Kimoun to sa pou to jijé sèrvitèr rounòt moun ? A pou so pròp mèt i ka tchenbé dibout ouben i ka tonbé. Wi, i ké rété dibout, paské Jéova pouvé fè li rété dibout. 5 Roun moun ka pansé ki roun jou pi enpòrtan pasé rounòt ; rounòt moun ka pansé ki sa jou-a, a menm bagaj-a ké ròt-ya ; a pou chak moun byen sir di sa i ka pansé. 10 Mé poukisa to ka jijé to frè ? Ouben, poukisa to ka méprizé to frè ? Nou tout nou ké gen pou dibout douvan tribinal Bondjé-a. 12 Donk, nou chak nou ké randé Bondjé kont pou nou menm. 13 Annou arété jijé nou konpanyen, mé pasé sa, a pou zòt byen désidé pa mété douvan roun frè, ni roun ròch ki pouvé fè li tonbé, ni rounòt bagaj. 19 A pou sa, annou kontinyé chaché tousa ki ka mennen lapè é tousa ki ka idé nou konpanyen grandi. 20 Arété krazé travay Bondjé akoz di roun manjé. Tout bagaj sen, a vré, mé a té ké roun gran malò si roun moun té ka manjé roun bagaj ki té ka fè rounòt moun bité. 21 Miyò to pa manjé vyann, ni bwè diven, ni fè anyen ki pouvé fè to frè bité.