Éphésiens

11 Sa ka alé ké projè pou tout-tan i fè parapòrta Kris, Jézi nou Sényèr, 14 A pou sa, mo ka mété mo jounou atè douvan Papa-a, 15 a li ki fè si tout fanmi annan syèl-a ké asou latè-a ka èkzisté. 16 Mo ka priyè pou, grasa so gran laglwar, i pèrmèt moun-an zòt sa ofon zòt tchò divini fò — ké pwisans, grasa so lèspri —, 17 é pou zòt fè Kris ansanm ké lanmou rété annan zòt tchò, grasa zòt lafwa. A pou zòt rasin alé byen fon é a pou zòt byen dibout asou fondasyon-an, 18 pou zòt, ansanm ké tout sen-yan, zòt rivé byen konprann longèr-a, larjò-a, rotò-a ké tout bagaj ki fon, 19 é pou zòt rivé konnèt lanmou Kris-a, ki ka dépasé konésans-a, pou zòt plen ké tout bon bagaj Bondjé ka bay. 20 Atò, sa-la ki pouvé fè plis, wi lontan plis ki tousa nou ka doumandé ouben imajiné, grasa so pwisans ki ka aji asou nou, 21 a li ki pou rousouvwè laglwar grasa asanblé-a é grasa Jézi Kris, pou tout jénérasyon-yan ké pou tout-tan. Anmèn.