1 Timothée

5 Pa palé rèd ké roun gran nonm ki gen so laj. Pasé to fè sa, sipliyé l’ kou to té ké fè l’ ké to papa, jenn wonm-yan sipliyé yé kou to té ké fè l’ ké to frè, 2 madanm-yan ki gen yé laj kou to té ké fè l’ ké to manman, jenn fanm-yan kou to té ké fè l’ ké to sò, san pyès vyé lidé. 8 Paské, si roun moun pa ka bay so fanmi sa i bézwen pou viv, èspésyalman sa-ya ki ka rété annan so kaz, i tounen so do bay lafwa é i pi mové pasé roun moun ki pa gen lafwa. 13 An menm tan, yé ka pran labitid rété san fè anyen, yé ka alé di kaz an kaz ; mé a pa sa sèlman, yé ka pran labitid fè kankan épi mélé yé kò annan zafè moun, ké palé di sa yé pa divèt palé. 17 A pou ansyen-yan ki ka gidé asanblé-a roun bèl fason, rousouvwè dé fwa plis lònò, èspésyalman sa-ya ki ka travay rèd annan paròl-a ké annan ansèyman-an. 20 Si i gen moun ki ka kontinyé péché, a pou to korijé yé douvan tout moun, pou ròt-ya panga. 21 Mo ka bay to sa lòrd-a douvan Bondjé, Jézi Kris ké zanj-ya Bondjé chwazi : swiv sa mo ka di to fè san to fè préférans ni pran parti. 23 Pa bwè dlo ankò, mé bwè roun tibi diven akoz di to lèstomak ké tout problèm lasanté ki ka fè to malad souvan.