Révélation

14 Apré sa, mo wè, épi gadé ! Timouton-an dibout anlè montangn Syon-an, é 144 000 la ké li, é yé gen so non ké non so Papa marké asou yé fron. 2 Mo tandé roun dézòrd ki té ka vin di syèl-a, kou roun patché dlo ki té ka tonbé é kou roun gro loraj ; épi dézòrd mo tandé té kou patché moun ki ka chanté ké jwé arp. 3 É yé té ka chanté sa ki té ka sanblé roun nouvo chanté douvan tronn-an é douvan kat kréyatir vivan-yan épi ansyen-yan ; é pésonn pa té pouvé anprann sa chanté-a byen, sof 144 000-ya, ki Bondjé achté asou latè-a. 4 A sa-ya ki pa sali yé kò ké fanm ; yé vyèrj. A yé ki ka kontinyé swiv Timouton-an tout koté i ka alé. Bondjé achté yé parmi moun ki ka viv asou latè-a kou prémyé frwi pou li ké Timouton-an, 6 É mo wè rounòt zanj ki té ka volé anmitan syèl-a, é i té gen roun bon nouvèl ki la pou tout-tan pou di tout moun ki ka rété asou latè-a, é pou moun tout nasyon, ti nasyon kou gran nasyon, tout lang é pou tout pèp. 7 I té ka di byen fò : « A pou zòt krenn Bondjé é a pou zòt bay li laglwar, paské lèr-a rivé pou i jijé. Wi, adoré Moun-an ki fè syèl-a, ké latè-a, ké lanmè-a, ké sours dlo-ya.