Hébreux

2 Paské yé té fè roun prémyé parti annan tant-a, koté i té gen pòrtlanp-a ké tab-a ké dipen prézantasyon-yan ; yé ka aplé l’ Koté ki sen-an. 3 Mé dèyè dézyèm rido-a, i gen parti-a annan tant-a yé ka aplé Trè-Sen-an. 8 A konsa lèspri sen-an ka montré ki tout tan prémyé tant-a té dibout, Bondjé patékò montré chimen-an pou alé annan koté ki sen-an. 9 Sa tant-a, a roun senbòl pou nou lépòk, é dapré sa senbòl-a, nou ka bay don ké sakrifis. Mé, sa bagaj-ya pa pouvé fè konsyans moun-an ki ka fè roun sèrvis sakré, vin nèt konplètman. 12 I antré annan koté ki sen-an, i pa antré ni ké disan mouton ni ké disan ti-béf, mé i antré ké so pròp disan, rounsèl kou pou tout-tan, é i pèrmèt nou gen délivrans-a pou tout-tan. 22 Wi, dapré Lalwa-a, près tout bagaj ka vin pròp ké disan, é si yé pa ka fè disan-an koulé, i pa gen pardon. 24 Paské Kris pa antré annan roun koté ki sen ki fèt ké lanmen moun, ki ka réprézanté vré koté-a, mé i antré annan syèl-a menm, koté i ka alé douvan Bondjé aprézan pou plédé pou nou. 25 É a pa té pou bay so pròp lavi plizyèr fwa, kou lò gran prèt-a ka antré chak lannen annan koté ki sen-an ké disan ki pa di li. 26 Si a pa té sa, i té ké divèt soufri plizyèr fwa dipi monn-an koumansé èkzisté. Mé aprézan, i parèt rounsèl kou pou tout-tan pannan lafen sistèm-yan, pou fini ké péché-a grasa sakrifis so pròp lavi. 27 É menm fason moun ka mouri rounsèl fwa mé apré sa yé ka rousouvwè roun jijman, 28 a konsa Kris divini roun sakrifis rounsèl fwa sèlman, pou i poté péché roun patché moun ; é dézyèm kou Jézi ké parèt, a pa ké pou tiré péché-a, é sa-ya ki présé i vini sové yé ké wè li.