Lévitique

5 « Israyélit-ya ké mennen dé ti mal kabrit pou li pou fè roun sakrifis pou péché-a, ké roun mal mouton pou fè roun sakrifis yé ka boulé nèt. 7 « Apré sa, i ké pran dé mal kabrit-ya é i ké mété yé douvan Jéova douvan tant réinyon-an. 8 Ké dé kabrit-ya, Aaron ké fè roun tiraj osòr : i ké gen roun kabrit pou Jéova é ròt-a ké pou Azazèl. 9 Aaron ké prézanté kabrit-a ki pou Jéova é i ké fè roun sakrifis pou péché-a ké li. 10 Mé mal kabrit-a ki pou Azazèl, i ké mété l’ tou vivan douvan Jéova pou doumandé l’ pardonnen péché-ya, é a sa mal kabrit-a i ké voyé annan dézèr-a, pou Azazèl. 20 « Lò i ké fini pirifyé koté ki sen-an, tant réinyon-an ké lotèl-a, i ké mennen mal kabrit ki vivan-an douvan Bondjé. 21 Aaron ké mété so dé lanmen asou tèt kabrit ki vivan-an ; i ké konfésé tout fot Israélit-ya, tout mové bagaj yé fè ké tout yé péché, é i ké mété yé asou tèt kabrit-a, épi roun mouché yé chwazi ké mennen kabrit-a annan dézèr-a. 22 I ké voyé mal kabrit-a annan dézèr-a pou i mennen tout yé fot alé annan dézèr-a.