Actes

10 I té gen roun mouché annan vil Sézaré yé té ka aplé Kòrnèy, a té roun chèf annan sa yé té ka aplé larmé italyen-an. 2 Li ké tout sa-ya ki té ka viv annan so kaz té gen bokou rèspè ké lakrent pou Bondjé ; i té ka fè roun patché bagaj pou idé maléré-ya é i té ka sipliyé Bondjé toulong. 17 Pyèr té la ka doumandé so kò sa sa vizyon-an té lé di, lò moun-yan Kòrnèy té voyé rivé douvan lapòt kaz Simon, apré yé té fin chaché savé koté i té ka rété. 28 I di yé : « Zòt byen savé ki roun Jwif pa gen drwa frékanté moun ròt nasyon, i pa menm gen drwa bòrdé l’, pourtan, Bondjé montré mo ki mo pa té divèt di ki roun moun « sal » ouben « pa pròp ». 29 Lò yé fè moun vin chaché mo, mo pa fè ni roun ni dé, mo alé ké yé. Atò, aprézan, di mo poukisa zòt fè mo vini. » 34 Alòr Pyèr koumansé palé. I di : « Aprézan mo ka konprann ki Bondjé pa ka fè préférans, 35 mé i ka asèpté sa-ya ki gen lakrent pou li é ki ka fè sa ki drèt, kèlkéswa nasyon i soti. 36 I voyé paròl-a pou pitit Israyèl pou fè yé konnèt bon nouvèl lapè-a ki ka vini di Jézi Kris, li menm ki Sényèr tout moun. 38 yé té ka palé di Jézi ki té soti Nazarèt, di fason Bondjé té wen li ké lèspri sen épi ké pwisans, é di fason i maché annan tout péyi-a toupannan i té ka fè bon bagaj é i té ka géri tout sa Djab-a té ka malmennen, paské Bondjé té ké li. 42 Anplis di sa, i bay nou lòrd préché pou pèp-a é montré ki a li Bondjé mété kou jij moun ki vivan ké moun mouri-ya. 43 Men témwanyaj tout profèt-ya ka bay asou li : grasa so non, péché tout moun ki gen lafwa annan li pardonnen. 47 « Kou sa moun-yan rousouvwè lèspri sen kou nou menm nou rousouvwè l’, ès roun moun pouvé défann yé batizé annan dlo ? » 48 É i doumandé pou yé batizé annan non Jézi Kris. Apré sa, yé doumandé l’ rété déztrwa jou.