Isaïe

6 Annan sa montangn-an, Jéova chèf larmé-ya ké préparé roun lafèt koté i ké gen bon kalité manjé pou tout pèp-ya, roun lafèt koté i ké gen bon diven, bon manjé, plen ké lanmwèl, ké bon diven yé pasé. 7 Annan sa montangn-an, i ké fè vwèl-a ki ka vlopé pèp-a ké twèl-a ki asou tout nasyon-yan disparèt. 8 I ké valé lanmò-a pou tout-tan ; wi, Souvéren Sényèr Jéova-a ké swiyé dlo wéy asou vizaj tout moun. Asou tout latè-a i ké tiré ronté asou so pèp, paské a Jéova li menm ki di l’. 9 Sa jou-a, nou ké di : « Gadé ! A nou Bondjé ! Nou mété nou èspwar annan li, é i ké sové nou. A Jéova ! Nou mété nou èspwar annan li. A pou nou tchò kontan é a pou nou fè lafèt, paské i ka sové nou. »