Révélation

1 Révélasyon Bondjé bay Jézi Kris, pou i montré so èsklav-ya sa ki pou rivé titalò. Épi i voyé so zanj é, grasa li, a ké senbòl i montré so èsklav Jan sa bagaj-ya. 3 Byennéré sa-la ki ka li paròl sa profési-a tou fò é sa-ya ki ka tandé paròl sa profési-a épi ka tchenbé kont di sa ki marké annan l’, paské tan-an Bondjé prévwè pròch rivé. 5 é di Jézi Kris, Témwen fidèl-a, prémyé pitit-a ki soti annan lanmò-a é ki chèf tout rwa asou latè-a. Pou sa-la ki kontan nou é ki libéré nou di nou péché grasa so disan — 6 sa-la ki fè nou divini rwa ké prèt pou so Bondjé ki sa so Papa osi —, wi, a pou i gen laglwar ké pwisans pou tout-tan. Anmèn. 8 « Mo sa Alfa-a ké Oméga-a, a sa Bondjé Jéova ka di, sa-la ki la é ki té la é ki ka vini, Tou-Pwisan-an. » 9 Mo menm, Jan, zòt frè yé ka pèrsékité ansanm ké zòt, ki ké annan rwayonm-an ké zòt, é ki ka tchenbé kou zòt ansanm ké Jézi, mo té asou roun zilé yé ka aplé Patmos paské mo té palé di Bondjé é mo té bay témwanyaj asou Jézi. 10 Annan roun vizyon, mo rivé annan lépòk jou Sényèr-a, é mo tandé roun vwa ki té ka palé fò dèyè mo, kousidiré a té roun tronpèt, 11 ki té ka di : « Sa to ka wè-a, marké l’ annan roun roulo épi voyé l’ pou sèt asanblé-ya : Éfèz, Èsmirn Pèrgam, Tiyatir, Sard, Filadèlfi ké Laodisé. »