Genèse

2 A konsa i fini fè syèl-a, latè-a ké tousa ki annan yé. 2 Sétyèm jou-a, Bondjé té fini tousa i té pou kréyé. É sétyèm jou-a, i koumansé pozé apré tousa i té kréyé. 3 É Bondjé koumansé béni sétyèm jou-a é i di ki sa jou-a té sakré, paské sa jou-a, i ka pozé apré tousa i kréyé, tousa i té prévwè fè. 4 Men istwè syèl-a ké latè-a, lò Bondjé Jéova fè yé, jou i fè latè-a ké syèl-a. 7 Bondjé Jéova fè wonm-an ké lapousyè latè-a, épi i souflé annan so nen souf lavi-a é wonm-an divini roun moun ki vivan. 15 Bondjé Jéova pran wonm-an épi i mété l’ annan jarden Éden-an pou i travay latè-a é pou i okipé di li. 16 É Bondjé Jéova bay wonm-an sa lòrd-a : « Frwi tout pyébwa ki annan jarden-an, to pouvé manjé — kantité to lé —, 17 mé pou frwi pyébwa konésans sa ki bon ké sa ki mové, to pa divèt manjé l’. Paské jou to ké manjé l’, to ké mouri. 18 Apré sa, Bondjé Jéova di : « A pa pou wonm-an rété li rounso. Mo ké fè roun moun pou idé l’ é ki ké alé byen ké l’. » 23 Alòr wonm-an di : « Gadé, men zo ki soti di mo zo é lachè ki soti di mo lachè. A “fanm” yé ké aplé l’ paské a di wonm-an i soti. » 24 A pou sa, wonm-an ké lésé so papa ké so manman, é i ké rété ké so madanm, é yé ké divini rounsèl lachè.