Isaïe

42 Men mo sèrvitèr, mo ka idé l’ ! Sa-la mo chwazi, sa-la mo kontan-an ! Mo mété mo lèspri asou li ; i ké mennen lajistis pou nasyon-yan. 2 I pa ké ni rélé ni palé fò, é i pa ké fè moun tandé so vwa annan lari-a. 3 I pa ké kasé rozo-a ki pliyé é i pa ké étenn mèch-a ki ja près étenn. Ké fidélité i ké poté lajistis. 5 Vré Bondjé-a, Jéova, Kréyatèr syèl-a é Bondjé-a ki louvri syèl-a, sa-la ki fè latè-a ké tout bagaj i gen asou l’, sa-la ki ka bay tout sa ki ka viv é ki ka maché asou latè-a, souf ké lèspri, men sa i ka di : 8 Mo sa Jéova. A mo non ; mo pa ka bay pyès moun mo laglwar é mo pa ka bay zidòl louwanj ki pou mo. 9 Men, prémyé bagaj-ya fèt ; aprézan, mo ka anonsé ròt bagaj. Mo ka fè zòt savé sa bagaj-ya anvan yé fèt. » 14 « Pannan lontan mo pa di anyen. Mo té ka fronmen mo bouch é mo té ka kontrolé mo kò. Kou roun fanm ki ka akouché, mo ké plenn, mo ké rèspiré fò é mo ké toufé, yé tout an menm tan.