1 Corinthiens

4 Lanmou pasyan ké bon. Lanmou pa jalou. I pa ka vanté so kò, i pa ka gonflé so lèstomak, 5 i pa ka fè anyen ki pa korèk, i pa ka gadé pou so douvan lèstomak, i pa ka kouri faché. I pa ka marké tout mové bagaj yé fè l’. 6 I pa kontan sa ki pa jis, mé a lavérité ki ka fè so tchò kontan. 7 I ka sipòrté tout bagaj, ka krè tout bagaj, ka èspéré tout bagaj, ka andiré tout bagaj. 8 Lanmou pa janmen ka disparèt. Mé kanta don moun rousouvwè pou profétizé, yé ké disparèt ; don moun rousouvwè pou palé ròt lang ké bout ; don moun rousouvwè pou gen konésans ké disparèt. 9 Paské nou konnèt roun parti rounso é nou ka bay roun parti profési-ya rounso. 11 Lò mo té piti, mo té ka palé kou roun timoun, mo té ka réfléchi kou roun timoun, mo té ka kalkilé kou roun timoun ; mé aprézan mo divini roun wonm, mo pa ka fè kou roun timoun ankò. 12 A sa menm, aprézan, nou pa ka wè klè kousidiré nou té ka gadé annan roun mirwè ki fèt ké fè, mé roun jou nou ké wè fas a fas. Aprézan mo konnèt roun parti mé roun jou mo ké konnèt tout bagaj byen, menm fason Bondjé konnèt mo byen. 13 Mé jòdla, sa trwa-ya la toujou : lafwa, èspwar-a, lanmou, mé sa-la ki pi gran annan yé tout, a lanmou.