Philippiens

3 Pa fè anyen pou lévé dézòrd ké ròt moun, ni pou gonflé zòt lèstomak, mé, ké imilité, a pou zòt wè ròt-ya kou moun ki pi fò pasé zòt, 4 épi pa gadé pou zòt pròp kò rounso, mé gadé pou ròt-ya osi. 5 Kontinyé gen sa bèl mantalité-a, mantalité Jézi Kris té gen li menm osi, 6 Li ki, menmsi i té ka sanblé roun Bondjé, pa janmen sonjé vòlò so plas, sa lé di divini Bondjé li menm. 8 Anplis, lò i vini kou roun wonm, i mété so kò pi bas ki lapousyè é i divini roun moun ki ka obéyi jistan i mouri, wi, jistan i mouri asou roun poto soufrans. 9 A pou sa Bondjé bay li roun plas ki pi rot é a ké tout so tchò i bay li non-an ki pi rot pasé tout ròt non, 10 pou lò yé tandé non Jézi tout moun mété yé kò ajounou, sa-ya ki annan syèl-a, sa-ya ki asou latè-a ké sa-ya ki anba latè-a, 11 é ki tout moun rékonnèt douvan tout moun ki Jézi Kris sa Sényèr-a pou laglwar Bondjé, Papa-a. 12 A pou sa, zòt mo kontan, menm fason zòt toujou obéyi lò mo té la, mé ankò plis aprézan mo pa la, travay pou sové zòt lavi ké lakrent ké rèspè. 13 Paské a Bondjé ki, dapré sa i anvi-a, ka ankourajé zòt, ka bay zòt anvi aji é an menm tan fòrs pou aji. 19 É, si a sa nou Sényèr Jézi lé, mo ka èspéré mo ké pouvé voyé Timoté wè zòt, pou mo pran kouraj lò i ké bay mo zòt nouvèl. 20 Paské mo pa gen pyès ròt moun ki ka fè kou li, ki ka vréman enkyété so kò pou zòt. 21 Paské tout ròt-ya ka chaché yé pròp entérè, yé pa ka chaché entérè Jézi Kris. 22 Mé zòt savé ki Timoté li menm montré ki kalité moun i sa. Kou roun timoun ké so papa, i travay rèd ansanm ké mo pou fè bon nouvèl-a avansé. 29 Donk rousouvwè li kou zòt ka rousouvwè disip Sényèr-a, ké bokou lajwa, épi kontinyé kontan sa kalité wonm-yan,