2 Corinthiens

7 sèlman paské mo rousouvwè sa révélasyon-yan ki bèl toubonnman. Pou mo pa fè gran larjò, yé bay mo roun pikan annan mo lachè, roun zanj Satan pou bat mo toulong. Konsa, mo pa ké plen ké òrgèy. 8 Trwa kou mo sipliyé Sényèr-a pou i tiré sa pikan-an pou mo. 9 Mé i di mo : « Mo favèr to pa mérité mo bay to-a ja asé pou to, paské toupannan to fèb to ka vréman wè mo pwisans. » Donk mo ké pouvé di mo fyèr paské mo fèb, konsa pwisans Kris-a ka rété anlè mo kou roun tant. 10 A pou sa mo kontan lò mo fèb, lò yé ka jouré mo, lò mo ka wè mizè, lò yé ka pèrsékité mo ké lò mo gen problèm, tousa pou Kris. Paské lò mo fèb, a la mo pwisan. 14 Gadé ! Sa ka fè trwa fwa mo ja paré pou vini koté zòt, é mo pa ké sa roun fardo pou zòt. Paské a pa sa zòt gen mo lé, a zòt mo lé ; paské a pa timoun-yan ki divèt fè ékonomi pou yé paran, a paran-yan ki divèt fè l’ pou yé timoun.