Proverbes

22 Roun bon répitasyon miyò pasé roun patché richès ; miyò moun rèspèkté to pasé to gen bokou lajan ké lò. 3 Moun-an ki ka fè atansyon ka wè danjé-a é i ka séré so kò, mé moun-an ki ka krè tout bagaj ka kontinyé vansé é i ka soufri akoz di sa. 4 Men sa imilité-a ké lakrent pou Jéova-a ka poté : larichès, lagwlar ké lavi. 6 Anprann timoun-an ki chimen i divèt pran ; menm lò i ké vyé, i pa ké lésé sa chimen-an. 7 Moun-an ki rich ka dominé asou maléré-ya, é sa-la ki doumandé soumaké èsklav moun-an ki prété l’. 9 Moun-an ki kontan bay ké jwenn bénédiksyon, pas i ka partajé so manjé ké maléré-ya. 15 Roun tibolonm ka fè patché bagaj ki sòt, mé baton korèksyon-an ké tiré sa labitid-a. 17 Louvri to zorè épi kouté sa moun ki gen sajès ka di, pou to lésé konésans mo ka bay to-a antré annan to tchò, 19 Jòdla, mo ka bay to konésans-a pou to fè Jéova konfyans. 24 Pa maché ké moun ki ka kolè vitman, é pa mélé ké moun ki gen tandans ka faché, 25 pou yé pa détenn asou to é pou sa pa divini roun trap pou to. 29 Ès to wè roun moun ki byen konnèt fè so travay ? A douvan rwa-ya i ké dibout ; a pa douvan nenpòrt kimoun i ké dibout.