Tite

3 Menm fason-an, a pou madanm-yan ki ja gen yé laj gen roun bon konpòrtman ki ka montré ki yé ka rèspèkté Bondjé, a pa pou yé palé moun mal é a pa pou yé èsklav diven-an. Mé a pou yé sa dé moun ki ka montré moun fè bon bagaj, 4 pou yé pouvé bay jenn fanm-yan konsèy pou yé kontan yé mari, kontan yé timoun, 5 pou yé byen kalkilé yé zafè, pou yé lavi pròp, pou yé travay rèd annan yé kaz, pou yé sa roun bon moun, pou yé asèpté ki yé mari sa yé chèf, pou moun pa malpalé paròl Bondjé-a. 6 Menm fason-an, kontinyé ankourajé jennjan-yan byen réfléchi, 10 a pa pou yé vòlò yé, mé a pou yé sa dé moun yé pouvé fè konfyans, pou fè ansèyman nou Bondjé, Sa-la ki ka sové nou, vini pi bèl. 11 Paské Bondjé montré so favèr nou pa mérité, é sa pèrmèt sové tout kalité moun. 12 Sa favèr-a ka anprann nou pa dérèspèkté Bondjé, pa kontan sa monn-an kontan, viv roun fason ki ka montré ki nou ka byen réfléchi, ki nou ka maché drèt é ki nou ka kontinyé adoré Bondjé ké fidélité annan sa monn-an, 13 toupannan nou ka antann èspérans-a ki ka fè nou tchò kontan é toupannan nou ka antann gran Bondjé-a ké Sa-la ki ka sové nou, Jézi Kris, parèt annan laglwar. 14 Kris bay so lavi pou nou, pou libéré nou di tout kalité bagaj ki kont lalwa é pou fè roun pèp vin sen pou i divini so nasyon èspésyal ki toujou paré pou fè sa ki bon.