Josué

7 « Wi, a pou to gen kouraj é a pou to fò menm, épi a pou to byen rèspèkté tout Lalwa Moyiz mo sèrvitèr bay to-a. Pa fè ni a goch ni a drèt, pou to rivé fè tout bagaj ké sajès tout koté to ké alé. 8 A toulong to ké divèt palé di sa ki marké annan sa liv koté i gen Lalwa-a ; to ké divèt pran tan réfléchi asou l’ toupannan to ka li l’ lannwit kou jou, pou to rivé byen rèspèkté tousa ki marké annan l’ ; a konsa to ké rivé annan to lavi é a konsa to ké fè tout bagaj ké sajès. 9 Mo bay to sa lòrd-a, pa vré ? A pou to gen kouraj é a pou to fò. Pa tranblé, pa pè, paské Jéova to Bondjé ké la ké to tout koté to ké alé. » 16 Yé di Joziyé : « Nou ké fè tousa to di nou fè, é nou ké alé tout koté to ké di nou alé.